انا جبتلكم طريقة عمل الفيشار بيها تضمنو ان كل حباية تفشر وتنتفخ و مايبقاش فى الحب اللى فى قعر الحلة ده يلا بينا:
حلة بغطاها و الاحسن تكون من النوع اللى مش بيلزق
نص كوب فيشار
3 ملاعق كبيرة زيت درة
الطريقة:
تحطى الحلة على النار هادية
حطى الزيت والفيشار
واستنى لما تسمعى صوت اول فرقعة
اطفى النار لمدة دقيقة واحدة
بعد دقيقة افتحى النار وتكون وسط
وطول ما الحلة على النار افضلى هزى فيها فى اتجاهك والعكس
اول ما صوت الفرقعة ينتهى حطى الفشار فى بولة واسعة
للحصول على نكهات مختلفة:
سيحى شيكولاتة وصبيها على الفيشار وقلبى او
ضيفى عسل اسود وقلبى و الفيشار سخن
او حطى شوية بودرة توم لو بتحبى طعم التوم +شوية ملح
لو بتحبى طعم البصل حطى بودرة بصل +شوية ملح
فى ناس بتعمل طعم التوم او البصل كالاتى"تسيح 3 معالق زبدة وتحط فيهم بودرة البيصل او التوم وبعد كده تصبها على الفيشار بس انا بحس ان الزبدة تقيلة قوى و الفيشار المفروض يكون خفيف"
فى ناس بتط بابريكا +شطة +ملح
او حطى جبنة رومى مبشورة على الفيشار وهوه سخن بس بعد ماتطلعيه فى بولة الاول مش وهوه فى الحلة
و بالف صحة وهنا وماتنسوش تدعولى