ندى
مشرفة تحت التمرين
عدد المساهمات : 417
نقاط التميز : 983
التقييــــــــــم : 15
تاريخ التسجيل : 17/04/2011
 | | موضوع: دق جوالي بالغلط السبت مايو 21, 2011 4:08 am | |
|  دق جوالي واحس قلبي دق...دقدق جوالـي وأحـس القلـب يومـه دق .. دق
صفر خمسه أربعه .. وآخـره خمسـه سبعتيـن
قلت في بالي وش الطاري عسى المحبـوب رق
من ثمان شهور ما يسأل عسى الطـاري حنيـن
المهـم انـي ذكـرت الله .. وقلـت الله حــق
واضغط الزر المحدد .. سم .. عفوا .. انت مين؟
قلتها وأنـا أعرفـه ميـر الثقـل حـل وسبْـق
قال أنا اللـي متصـل وأرجـوك زيّنهـا تزيـن
قلت (يعني) قال يعنـي شوفنـي ميـت زهـق
ودي أسولف معك من غير جيـم وغيـر سيـن
قلت تامر قـال تسلـم وابتـدا كشـف الـورق
واسمعه دق (السبيكر) قلت .. عونـك يامعيـن
قال وش حالك عساك بخير .. قلت الخيـر طـق
من عقب فرقاك يا قاسـي غـدا حالـي حزيـن
قال قلبك وش علومـه .. قلـت قلبـي احتـرق
ما قـوا هجـرك ولا بعـدك ولا قهـر السنيـن
قال شعرك .. قلت شعري .. لا ابد طـب وتنق
كل خفاقي قصايد .. مـن يسـار ومـن يميـن
قال كبه .. قلت أكبه .. قـال والمركـب غـرق
قلت مركب ايش هذا .. قـال طحـت بهالكميـن
ماني بصاحبك بس أرجـوك مـن يسبـق لبق
انت اسلوبك عسـل وأنفـاس حكيـك ياسميـن
بالغلط دقيـت .. وأحمـد ربـي الـرازق رزق
والله أعلم انـك مشبـه علـى شخـص ثميـن
قلت لحظه ماهي الدعوه صحـن خبـز ومـرق
اصبر اصبر خلني أعرف مكـان اللَبـْس ويـن؟
قمت أراجـع رقمـك الموجـود واشوفـه فـرق
أنت خمسه سبعتين وذاك سبعه خمستين..!!
عدل سابقا من قبل ريمي في الأربعاء مايو 25, 2011 6:17 pm عدل 1 مرات (السبب : حذف رابط منتدى اخر) | |
|
ريمي
المراقبه العامة
عدد المساهمات : 955
نقاط التميز : 2275
التقييــــــــــم : 26
تاريخ التسجيل : 13/04/2011
| |
